Ricuardant pre Antoni Beline
Scrits inedits
Il “mea culpa” de glesie
(olme inedite)
La prime domenie di Coresime di chest an gjubilâr il pape al à volût clamâle “zornade dal perdon” pes colpis de glesie in chescj doimil agns di vite. Un gjest laudabil e intonât cul timp liturgjic dal “Miserere”. La confession de propie miserie e je un at di veretât e la condizion juste de creature umane denant dal so creadôr e judiç. La glesie, fate di oms, e je esponude a dutis lis tentazions e sogjete al judizi di Diu.
La liste des robis di ripensâ e di pintîsi e je lungje. Pensìn a lis lacerazions eclesiologjichis cu la glesie orientâl e cul mont de Riforme protestante. La storie, ancje di ispirazion catoliche, e à rivalutât lis figuris di Lutâr, Calvin e Zwingli e sore dut il grant riformadôr Hus,
brusât come eretic par dutrinis che vuê lis sosten ancje il plevan plui reazionari. Pensìn a la tragjede dal antisemitisim teologjic e liturgjic, che al è stât il substrât e la preparazion remote dal Olocaust. Pensìn a l’infinide violence che i cristians a àn fat tai confronts dai neris, strissinâts vie piês des bestiis, e dai indios, umiliâts, violentâts, massacrâts a pleton, che si son cjatâts cu la bibie e il batisim ma cence tiere ni libertât.
Dongje des vitimis cognossudis, e reste la schirie cence numar des vitimis anonimis de prepotence clericâl, dopradis, svilanadis, spaventadis, umiliadis. Sore dut i plui debui e piçui.
Un limit grant di cheste iniziative penitenziâl al sta tal fat che il pape al domande perdon pai pecjâts “di tancj fîs de glesie ch’a àn sfigurade la sô muse”. Che i cristians a sedin pecjadôrs come ducj i oms, no covente nissune iluminazion dal Spirtu sant par capîlu. No nus àno simpri fat dî l’at di dolôr e sburtâts a la confession? Chi si trate di ricognossi i pecjâts de glesie come struture, ch’a son i plui dolorôs e ch’a àn fat siguramentri plui damp. No stin a dismenteâ che i cristians a son stâts (dis)educâts a tasê e a ubidî e duncje al è just che la responabilitât plui pesante le vedin chei che a vevin plui comant, tacant dai plui alts in gjerarchie. Masse comut meti lis colpis su lis spalis de int cence clamâle a spartî lis decisions.
Un altri limit di chest “mea culpa” al è che si domande perdon di colpis lontanis, là che aromai no si po plui fâ nuie. Cui i tornial la vite a Gjordan Bruno, a Savonarole e a lis vitimis de Incuisizion? Il vêr pentiment al sta tal cirî lis causis profondis e tal fâ in mût che no si ripetin lis tragjediis. Ma se no si va a cirî lis causis e no si à il coragjo di frontâ stradis gnovis e alternativis,
si continuarà par fuarce a fâ vitimis. Il fat che no vegnin brusadis ma dome emargjinadis e fatis tasê o cjonçadis fûr de cariere nol gambie la colpe e nol assolf il sisteme.
Fra lis colpis struturâls jo o metarès la presunzion de veretât assolude, cuant che si sa che dome Crist al è “la strade e la veretât” (Zn 14,6). No si po identificâ glesie, ream di Diu e Crist. Crist nol da nissune deleghe e nol à dibisugne di nissun suplence. O zontarès la struturalizazion dal aparât. E vûl fantasie a rigjavâ de volontât positive di Crist dut l’armamentari gjerarchic e discriminant, lui che al à improibît di clamâ cualchidun “pari” e “mestri” (Mt 23,8-9). Si scuen zontâ la assolutizazion e la centralizazion asfissiant, che e mortifiche ogni diviersitât e ogni san pluralisim. Ancje improibî al nestri popul di preâ te nestre lenghe al è un pecjât.
Vê in dut il mont la stesse teologjie, liturgjie e legjislazion canoniche no lu riten un fat di vantâsi, ma di domandâ perdon. Si trate di podê. Chel podê che Crist al à condanât cence apel e che al è stât il grant pecjât de glesie. I à dade la protezion dai potents ma j à fat pierdi la protezion di Diu e la benedizion dai ultims.
Coresime 2000
Scrits inedits
Il “mea culpa” de glesie
(olme inedite)
La prime domenie di Coresime di chest an gjubilâr il pape al à volût clamâle “zornade dal perdon” pes colpis de glesie in chescj doimil agns di vite. Un gjest laudabil e intonât cul timp liturgjic dal “Miserere”. La confession de propie miserie e je un at di veretât e la condizion juste de creature umane denant dal so creadôr e judiç. La glesie, fate di oms, e je esponude a dutis lis tentazions e sogjete al judizi di Diu.
La liste des robis di ripensâ e di pintîsi e je lungje. Pensìn a lis lacerazions eclesiologjichis cu la glesie orientâl e cul mont de Riforme protestante. La storie, ancje di ispirazion catoliche, e à rivalutât lis figuris di Lutâr, Calvin e Zwingli e sore dut il grant riformadôr Hus,
brusât come eretic par dutrinis che vuê lis sosten ancje il plevan plui reazionari. Pensìn a la tragjede dal antisemitisim teologjic e liturgjic, che al è stât il substrât e la preparazion remote dal Olocaust. Pensìn a l’infinide violence che i cristians a àn fat tai confronts dai neris, strissinâts vie piês des bestiis, e dai indios, umiliâts, violentâts, massacrâts a pleton, che si son cjatâts cu la bibie e il batisim ma cence tiere ni libertât.Dongje des vitimis cognossudis, e reste la schirie cence numar des vitimis anonimis de prepotence clericâl, dopradis, svilanadis, spaventadis, umiliadis. Sore dut i plui debui e piçui.
Un limit grant di cheste iniziative penitenziâl al sta tal fat che il pape al domande perdon pai pecjâts “di tancj fîs de glesie ch’a àn sfigurade la sô muse”. Che i cristians a sedin pecjadôrs come ducj i oms, no covente nissune iluminazion dal Spirtu sant par capîlu. No nus àno simpri fat dî l’at di dolôr e sburtâts a la confession? Chi si trate di ricognossi i pecjâts de glesie come struture, ch’a son i plui dolorôs e ch’a àn fat siguramentri plui damp. No stin a dismenteâ che i cristians a son stâts (dis)educâts a tasê e a ubidî e duncje al è just che la responabilitât plui pesante le vedin chei che a vevin plui comant, tacant dai plui alts in gjerarchie. Masse comut meti lis colpis su lis spalis de int cence clamâle a spartî lis decisions.
Un altri limit di chest “mea culpa” al è che si domande perdon di colpis lontanis, là che aromai no si po plui fâ nuie. Cui i tornial la vite a Gjordan Bruno, a Savonarole e a lis vitimis de Incuisizion? Il vêr pentiment al sta tal cirî lis causis profondis e tal fâ in mût che no si ripetin lis tragjediis. Ma se no si va a cirî lis causis e no si à il coragjo di frontâ stradis gnovis e alternativis,
si continuarà par fuarce a fâ vitimis. Il fat che no vegnin brusadis ma dome emargjinadis e fatis tasê o cjonçadis fûr de cariere nol gambie la colpe e nol assolf il sisteme.
Fra lis colpis struturâls jo o metarès la presunzion de veretât assolude, cuant che si sa che dome Crist al è “la strade e la veretât” (Zn 14,6). No si po identificâ glesie, ream di Diu e Crist. Crist nol da nissune deleghe e nol à dibisugne di nissun suplence. O zontarès la struturalizazion dal aparât. E vûl fantasie a rigjavâ de volontât positive di Crist dut l’armamentari gjerarchic e discriminant, lui che al à improibît di clamâ cualchidun “pari” e “mestri” (Mt 23,8-9). Si scuen zontâ la assolutizazion e la centralizazion asfissiant, che e mortifiche ogni diviersitât e ogni san pluralisim. Ancje improibî al nestri popul di preâ te nestre lenghe al è un pecjât.
Vê in dut il mont la stesse teologjie, liturgjie e legjislazion canoniche no lu riten un fat di vantâsi, ma di domandâ perdon. Si trate di podê. Chel podê che Crist al à condanât cence apel e che al è stât il grant pecjât de glesie. I à dade la protezion dai potents ma j à fat pierdi la protezion di Diu e la benedizion dai ultims.
Coresime 2000
Nessun commento:
Posta un commento